El Torrión de Peñerúes, asitiáu na parroquia del mesmu nome, pertenciente al conceyu de Morcín, ye un monumentu hestóricu cuyu aniciu remóntase hasta l'alta edá media. Costruyíu nel sieglu XII, atópase a un altor de 530 metros perriba'l nivel del mar, nun picu al norte del pueblu de El Campu.
Piénsase que pudo ser un torrión defensivu d'orixe romanu, remocicáu pol rei Ordoñu I.
La primer vegada que se fala d'esti torrión ye nel añu 1.378, nel testamentu del obispu Gutierre de Toledo pol que-y dexa dichu torrión a la so hermana. La so función sedría xixilar la entrada al centro d'Asturies dende l'ocidente, pelos rios Trubia y Nalón. Hasta l'añu 1.577 perteneció a l'obispáu d'Uviéu.
El torrión ye de planta
cuadrada, con unes paredes de casi dos metros y mediu de grosor, y unos
17 metros d'altura. Nel so interior vense bien los furacos onde taben
les vigues que sofitaben la primera y la segunda planta. Per fuera destaca la perda
de la paré sur y parte de les llaterales. A pesar del so aspeutu la visita ye segura ya que l'edificiu nun amenaza con derrumbase.
Ver Torrión de Peñerúes en un mapa más grande
No hay comentarios:
Publicar un comentario